ஜூன் மாதத்திற்கான பெட்ரோல், டீசல் விலையை யுஏஇ எரிபொருள் விலை நிர்ணயக் கழகம் தற்போது வெளியிட்டுள்ளது. இதில் மே மாதத்துடன் ஒப்பிடுகையில் பெட்ரோல், டீசல் உள்ளிட்ட எரிபொருட்களின் விலை குறைந்துள்ளது. இந்த புதிய விலை குறைவு ஜூன் 01ம் தேதி முதல் அமலுக்கு வர உள்ளது.
எரிபொருள் விலை ஜூன் மாதத்தில் குறைவதால் டாக்சி கட்டணத்தை குறைக்க உள்ளதாக அஜ்மான் போக்குவரத்து கழகம் அறிவித்துள்ளது. அதோடு குறைக்கப்பட்ட புதிய கட்டண விபரங்களையும் அறிவித்துள்ளது. இதன் படி, ஜூன் மாதத்தில் அஜ்மானில் டாக்சி கட்டணம் கிலோ மீட்டருக்கு 1.84 திஹ்ரானாக இருக்கும். மே மாதத்தில் ஒரு கிலோ மீட்டருக்கு 1.88 திஹ்ரான் கட்டணம் வசூலிக்கப்பட்டது.
இந்த புதிய எரிபொருள் விலை குறைப்பால் ஒவ்வொரு முறையும் யுஏஇ மக்கள் காரின் எரிபொருளுக்காக செலவிடும் தொகை 14.80 திஹ்ரான் வரை குறையும். இதனால் அதிக தொகை மிச்சமாவதால் யுஏஇ மக்கள் மகிழ்ச்சி அடைந்துள்ளனர்.
துபாய் தொடர்பான முழுமையான செய்திகளை பெற யுஏஇ தமிழ் வெப்சைட் உடன் இணைந்திருங்கள்
