துபாய் முழுவதும் ஒற்றை முறை பயன்பாட்டு பைகளுக்கு (single-use bags) தடை விதிக்கப்பட உள்ளது. பிளாஸ்டிக், பேப்பர் உள்ளிட்ட அனைத்து வகையான பைகளுக்கும் தடை விதிக்கப்பட உள்ளது. இந்த கட்டுப்பாடுகள் இன்னும் 3 மாதங்களுக்குள் அமல்படுத்தப்படும் என சொல்லப்படுகிறது.
இந்த ஆண்டின் தொடக்கத்தில் இருந்து ஒருமுறை மட்டுமே பயன்படுத்தும் பிளாஸ்டிக் பைகளுக்கு 25-ஃபில் கட்டணத்தை விதிக்க வணிகங்களை எமிரேட் கட்டாயப்படுத்தியுள்ளது. ஜூன் 1 முதல், துபாயில் உள்ள சில்லறை விற்பனை நிலையங்கள் முழுவதும் அனைத்து ஒற்றை உபயோகப் பைகளும் தடைசெய்யப்படும் என தெரிவிக்கப்பட்டுள்ளது. இந்தக் கொள்கையானது பொருட்களை எடுத்துச் செல்வதற்கு ஒருமுறை பயன்படுத்தும் பைகளை உள்ளடக்கியது மற்றும் வாடிக்கையாளர்கள் தங்கள் சொந்த மறுபயன்படுத்தக்கூடிய பைகளை கொண்டு வர அறிவுறுத்தப்படுகிறார்கள்.
இதற்காக விழிப்புணர்வு வழிகாட்டுதல்களையும் துபாய் நிர்வாகம் வெளியிட்டுள்ளது. இந்த விதிகளை மீறுவோருக்கு 200 திஹ்ரான் வரை அபராதம் விதிக்கப்படும் என்றும், மறுமுறை அதே தவறை செய்தால் 2000 திஹ்ரான் வரை அபராதம் விதிக்கப்படும் என்றும் துபாய் பொருளாதார மற்றும் சுற்றுலா துறை தெரிவித்துள்ளது.
துபாய் தொடர்பான முழுமையான செய்திகளை பெற யுஏஇ தமிழ் வெப்சைட் உடன் இணைந்திருங்கள்
